جليلة، البلوغر المغربية، قررت الخروج عن صمتها بعد تلقيها اتهامات بأنها السبب وراء انفصال الفنان المصري تامر حسني وزوجته السابقة بسمة بوسيل، وأوضحت في تصريحات صحفية بأنها ليست ذات علاقة بهذا الانفصال، وأنها لا تفهم سبب انتساب اسمها إلى هذه القضية.
وقالت جليلة مستنكرة هذه الاتهامات في تصريحات صحافية: "بخصوص انفصال تامر حسني عاوزة أوضح إني ماليش دعوة لا من قريب ولا من بعيد، لأن البعض بيتهمني إني السبب، لكن أنا بقالي سنة قافلة الموضوع ده".
كما أضافت البلوغر المغربية: " أنا مش شماعة علشان أي حاجة تنزل تعلقوها في جليلة وفي أكونتات عاملين فوتوشوب لحاجات أنا مش قايلاها".
و عن رأيها في سبب انفصال تامر حسني وبسمة بوسيل صرحت جليلة بالقول: "انفصالهما قسمة ونصيب ومن ربنا لو كانوا فشلوا في جوازهم، ومش أي حاجة تحصل في الكوكب تقولوا جليلة السبب أنا مش شماعة تتعلق عليا أي حاجة تحصل".
وفي الأخير، شددت على أنها لم تنزعج من ارتباط اسمها باسم تامر حسني، وعلقت: "أنا وتامر عشرة سنين ومش بزعل لما بشوف اسمي أو صوري مرتبطة به دي حاجة طبيعية، لأني بحترمه على المستوى الفني والإنساني وربنا يوفقه ويكتب له الخير، وانفصاله حاجة من ربنا، لأنه بيجيب لنا الخير دائما".