هذا ما قاله رشيد الوالي في الذكرى 25 لزواجه
نشر الممثل و المخرج المغربي رشيد الوالي و زوجته منشورا خاصا على حسابه على الإنستغرام بمناسبة مرور 25 سنة على زواجهم.
و قد تضمن المنشور صورة قديمة لهما توثق ليوم زفافهما مرفوقة برسالة مؤثرة وجهها للجمهور و المتابعين قائلا: "مافيها باس ننشر للمتابعين ديالي انا وابتسام هاذ الصورة ديال ضريب الصداق ديالنا . غادي يقول البعض كانو صغار .معلوم وخا غير لبارح ليوم كيمضي على زواجنا خمسة وعشرين سنة .ربع قرن .واش كانت كلها زوينة ؟ هذا سؤال صعيب الجواب عليه، حيت حتى علاقة مكتكون ساهلة من الأول .ولكن مع الوقت كلشي كنشوفوه زوين حيت كنقارنوه مع النتيجة ..وبلا حب وصبر ومودة وتفهم الطرفين والتسامح، عمر هاد الشي مكان يمكن يستمر . سؤال آخر واش كون كانت تتعاود غادي نعاود نفس الإختيار ؟؟ ...الجواب هو لا منقدرش حتى نفكر فيها ...حيت كنعتابر أن الله اللي جمعنا وهو اللي ختار ليا ودارها على طريقي ودارني فطريق ابتسام ..حيت كنا مختالفين بزااااف .لهذا اختياري كان غادي يكون مبني على اشياء كتزول مع الوقت ....كنحمد الله على انه جمعنا وحنن قلب كل واحد على لاخر، لدرجة لحياة بلا ابتسام كانت غادي تكون فشكل آخر ..شكرااا حبي على كل مدرتيه وصبرتيه وزرعتيه باش تستمر علاقتنا وزواجنا واحترامنا لبعضنا . سليم وآدم هدية من الله ونتمنى نكون فمستوى الهدية والأمانة اللي بين يدي حتى يوفى الأجل .وأخيرا شكرا لكل من قال كلمة زوينة ولا تشجيع و لا صلح بيناتنا فشي نهار كنا محتاجين ليه.. فمن لم يشكر الناس لم يشكر الله . كل سنة وانت جميلة ابتسامتي".
مصدر الصورة: @rachideloualiofficiel